Espainiako Vuelta Debagoienetik igaroko da abuztuaren 18an..(2019)

goiena

Maialen Regueiro 2019-12-18 08:44

Laugarren etaparen perfila (Irudia: Espainiako Vuelta)

Atzo aurkeztu zen Espainiako Vueltaren 75. edizioa eta abuztuaren 18an, laugarren etapan, Debagoienetik igaroko da tropela. Txirrindulariek Udana jaitsi beharko dute, handik Arrasatera etorri eta Kanpazar igo.

Laugarren etapa

Abuztuaren 18an jokatuko den laugarren etapa hau, Irunen hasi eta Arraten (Eibar) amaituko da, tropelak guztira 169,5 kilometroko ibilbidea egin beharko dituelarik. Txirrindulariak Errenteria, Donostia, Usurbil, Orio, Zumaia, Azkoitia eta Zumarragatik igaroko dira Udana jaitsi aurretik. Behin Udana jaitsita, Oñati zeharkatu eta Arrasatera egingo dute, bertan Kanpazar igo beharko dutelarik. Helmugaratu aurretik, Eibar, Soraluze eta Karabieta igaro beharko dituzte, lasterketa Arraten amaitzeko.