Letamendi Katalunian izango da, Munduko Kopako zortzigarren proban.

GOIENA


Xabi Urzelai 2019-07-12 12:24

Iban Letamendik euskal selekzioko elastikoa defendatuko du asteburuan, Munduko Kopako zortzigarren proban. Oñatikoa Barrueran (Herrialde Katalanak) egingo duten 42 kilometrotako lasterketa egiteko deialdian sartu dute.

 

Iban Letamendi eta Hassan Ait Chaou, aurtengo Arrasate-Udalatx lasterketako helmugan.

Mendiko lasterketetako Munduko Kopa asteburuan itzuliko da. Ia bi aste pasa dira egutegiko zazpigarren proba Olympus (Grezia) mendian jokatu zenetik. Hilabete gogorra izango dute selekziokideek, jarraian hiru proba jokatuko baitituzte. Oraingoan, Euskal Selekzioa, Barrueran (Herrialde Katalanak) izango da. Lasterketak, 42 kilometroko luzera eta 3325 metroko desnibel positiboa. Honako hau da Iñaki Uribe-Etxebarria eta Eneko Aliende hautatzaileek osatu duten taldea:

• Mayi Mujika (Legazpia, Gipuzkoa, 1988).
• Maria Zorroza (Gernika, Bizkaia, 1988).
• Hassan Ait Chaou (Villabona, Gipuzkoa, 1977)
• Iban Letamendi (Oñati, Gipuzkoa, 1978)
• Julen Martinez de Estibariz (Hermua, Araba, 1984).