Ruper Arkauz: "Inpresioa daukat aurten talde serioa daukagula"

Xabi Urzelai 2017-02-04 16:58 KIROLA OÑATI

Eguerdian aurkeztu dute Aloña Mendiko ziklismo sailekoek 2017an errepidean izango dituzten talde eta ziklistak. Guztira 24 ziklista izango dira, infantil mailatik hasi eta gazte mailara arte.

Eguraldiak errespetatuta, Aloña Mendikoek arazo barik aurkeztu ahal izan dituzte aurten errepidean izango dituzten taldeak, Etxeaundi jatetxearen kanpoaldean egindako ekitaldian: "Talde serioa daukagun sentsazioa izan dut aurkezpenean, gero ez dakit errepidean zer erakutsiko dugun, baina gaur serio ikusi ditut txirrindulariak", adierazi du Ruper Arkauzek. "Helburua urterokoa da, gazteei bizikletan ibiltzen, lasterketetan ibiltzen, eta kirol honekin gozatzen irakastea da. Ondoren, kirol lorpenak badatoz, bada, ederto".

Aurkezpenean, bestalde, Oñatiko taldeko harrobiko ziklista diren Ekaitz Txintxurreta (Debabarrena), Xabier Murgiondo (Ampo), Julen Umerez (Ampo) eta Garazi Erostarbe (Caja Rural Bide Bide).

Taldekideak aurkeztearekin batera 2017an Oñatin izango diren lasterketen berri ere emango dute. Bost izango dira guztira. Martxoaren 18an maila eskolarreko lasterketa izango da, ekainaren 11n Olakua Proba –kadeteak–, uztailaren 22an Arantzazuko Igoera –gazte mailakoak–, irailaren 2an San Migel proba –gazteak– eta irailaren 16an amateur mailako Oñati saria.

Alebinen mailako taldea (Bizipoz Kafe):