Uztailaren 16an hasi ziren COVID-19arekin kutsatutako gaixo asintomatikoak edo positiboren bat gertu dutelako berrogeialdia pasatu behar duten pertsonak hartzen. Ordutik, eten barik egon dira gaixoak Arantzazun. Bataz beste, egunero, 20-25 pertsona egon dira, egokitutako 45 logelatan banatuta.
Hoteleko egonaldia hasi aurretik PCR proba egiten diete guztiei, anbulatorioan, eta ostean, hamar eguneko konfinamendua egiten dute, logelatik irten barik. Horiek ez dute inolako kontaktutik hoteleko gainerako erabiltzaileekin eta langileekin. "Catering enpresa batek ekartzen ditu janariak eta logelen ateak uzten dituzte. Norbera arduratzen da, pasilloetan dauden mikrouhin labeetan berotzen, beti ere, segurtasun eta garbiketak neurriak beteta", esan dute arduradunek.
Zerbitzua ematen hasi zirenetik, etenik barik, egon dira gaixo asintomatikoak Arantzazun. Orain arteko, egunik jendetsuena, abuztuaren 15a izan zen. Egun horretan, 42 gaixo egon ziren hotelean. Gaixoen profilari dagokionez, %80 etorkinak direla esan dute hoteleko arduradunek.
Jatetxea eta taberna, zabalik
Arantzazu Hotelak jatetxea ere badu. Bada, gaixo asintomatikoen presentzia egonda ere, tabernak eta jatetxeak ohiko funtzionamendua izan dute. Mahaietan segurtasun distantziak mantenduta, zerbitzua ematen jarraitzen dute.
No hay comentarios:
Publicar un comentario