2019-06-16 19:28
16:00etan hasi da Oñatin, 33. Olakua txirrindulari proba. Txirrindulariek 55 kilometroko ibilbidea egin behar izan dute eta tartean, Udana gaina igaro behar izan dute. Hala, Dinuy taldeko Haritz Sein izan da onena ordu bete eta hamazazpi minutuko proba eginda, baina denbora berean iritsi da Aimar Erostarbe oñatiarra.
Esprint-a
Bidaurretako biribila igaro eta metro gutxira hasi dute esprint-a, taldetxoa sortu duten zortzi txirrindulariek, tartean Aimar Erostarbe oñatiarra zegoen eta bigarren helmugaratzea lortu du.
Bailarako ordezkariak
Erostarbez gain, Ulma taldeak beste ordezkari bat izan du lasterketan, Aimar Madina, hain zuzen ere. Madina, 28. postuan helmugaratu da ordu bete eta hogei minutuko lasterketa eginda. Horrez gain, Bergarako Bolintxo taldeak, lau txirrindulari izan ditu lasterketan eta taldeko onena, Markel Oregi izan da, hemeretzigarren postuan helmugaratu delarik, ordu eta hemeretzi minutuko lasterketa eginez. Unai Zenitagoia, Liher Eguren eta Ibai Unamuno izan dira Bolintxo taldeko gainontzeko txirrindulariak, 32, 36 eta 52. postuak eskuratuz, hurrenez hurren.
No hay comentarios:
Publicar un comentario