Goitibeheren Europako txapelketan emaitza onak lortu dituzte debagoiendarrek.

GOIENA

Maialen Regueiro 2019-04-23 16:13

Guztira zortzi debagoiendarrek hartu dute parte asteburuan, Legazpin jokatu den goitibeheren Europako txapelketan eta lortutako emaitzak onak izan dira.

Sailkapen orokorrean, Adrian Perez eta Unai Biain oñatiarrak izan dira bailarako onenak lortutako hirugarren postuari esker, baina bikote hau onena izan da, baita pneumatica GX modalitatean ere. Horrez gain, eta modalitate berari dagokionez, Ioritz eta Gotzon Aranguren aita-seme oñatiarrak hirugarrenak izan dira, Ion Madina eta Danel Gereta oñatiarrak laugarrenak eta Aitor Perez aretxabaletarra hamabosgarrena. Bestalde, SpeedTrike modalitatean aritu da Joseba Igartua oñatiarra eta bederatzigarren postua lortu du. 

Ioritz eta Gotzon Aranguren

Aita-seme oñatiarrak normalean ez dute nazioarteko probetan parte hartzen, baina honakoa horren gertu zegoela aprobetxatuta animatu egin ziren. Gainera, asteburuan lortutako emaitzarekin Espainiako txapelketarako sailkatu dira, baina momentuz aita-semeak Euskal Liga barruan nahi dute parte hartu. Hala, hurrengo proba maiatzaren 26an izango dute Oñatin eta Bergaran jokatuko den txapelketan ere parte hartzeko asmotan daude.