Gipuzkoako ziklo-kros txapelketan lau oñatiar izan dira podiumean

Atzo, azaroak 1, jokatu zen Legazpiko VIII. ziklo-kros txapelketa. Eta lau oñatiar izan ziren Gipuzkoako txapelketari zegokion podiumean: Iñigo Mugarza, Unai Cueva, Aitor Altube eta Aimar Erostarbe.

Elite mailan hirugarren postua eskuratu zuen Iñigo Mugarzak. Junior mailan ere hirugarrena izan zen Unai Cueva, eta kadeteen artean hirugarren egin zuen Aitor Altubek eta lehenengo Aimar Erostarbek.