AGUSTIN ZARKETARI ESKAINITAKO SEILU ETA POSTALAK ARGITARATU DITUZTE.(2021)

 

Agustin Zarketari eskainitako seilu eta postalak argitaratu ditu CECA Oñati taldeak.

Txistularia jaio zela 100 urte beteko dira astelehenean, maiatzaren 10ean

AGUSTIN ZARKETA

Agustin Zarketa Eluategi, 1921eko maiatzaren 10ean

jaio zen eta 2004ko urrian zendu 83 urte zituela.

Etxean danborrarekin hasi, gero dantza taldean,

bandan sasofoia jotzen eta azkenik txistuarekin

bukatu zuen.

Txistu Bandarekin hamaika diana, iriarena,

Korpusetako dantza eta kalejira joko zituen bere

bizitzako ibibidean.

Horretaz gain, kanturako ere zaletasun handia

zuen, eta Parrokiako koroko partaidea izan zen.

Gaztetan Donostia aldean izan zen ikasketetan 19

urte arte.

Soldaduzka Afrika aldean egin zuen.

1951ean ezkondu zen Pakita Alberdi

osintsuarrarekin eta sei seme-alaba izan

zituzten.

Esku lanetarako trebetasuna zuen eta

marrazkigintza, kaligrafia,partituren idazketa eta

etxetik zetorkion burnigintzan aritu zen.

Mendia, perretxikoak, eskaluak, sagardoa eta

txoriak zituen zaletasun;jilgeruen txistuek

alaitzen zuten Kale Barriako 24. zenbakiko kale

artea.

“Onraita” lantegian aizkoragintzan jardun zuen

erretiroa hartu artean.

70eko hamarkadan Txistu Akademia sortu zuen

Hijinio Iriarte txistukidearekin batera,

etorkizunerako txistulariak prestatzeko asmotan.

“Txistularia” aldizkariko bazkidea zen eta

harremanak mantetzen zituen Gipuzkoako

txistulariekin: Ansorena, Bonifazio

Laskurain,Arozena, Mendizabal...Herrietako jaietan

antolatzen ziren alardeetan parte hartzen zuen.

Txistua, danboliña eta atabalarekin ikusten dugu

Agustin beti dotore,zuzen eta aurrera begira.

"TXISTUKO AKADEMIAKO SORTUTAKO LEHENENGO IKASLEAK"

"ZARKETAREN  OMENEZ EGINDAKO TXISTULARIEN KONTZERTUA"(1987/09/27)